தர்மபுரி அங்காடியில்பட்டுக்கூடுகள் விலை குறைந்தது

தர்மபுரியில் செயல்பட்டு வரும் பட்டுக்கூடுகள் ஏல அங்காடிக்கு பட்டு வளர்ச்சி துறை சார்பில் பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். நேற்று முன்தினம் 3,549 கிலோவாக இருந்த பட்டுக்கூடு வரத்து நேற்று 2,865 கிலோவாக குறைந்தது. இதேபோல் பட்டுக்கூடுகளுக்கான தேவை குறைந்ததால் நேற்று முன்தினம் அதிகபட்சமாக ரூ.555-க்கு விற்பனையான பட்டுக்கூடு கிலோவுக்கு ரூ.24 குறைந்து நேற்று ஒரு கிலோ பட்டுக்கூடு அதிகபட்சமாக ரூ.531-க்கும், குறைந்தபட்சமாக ரூ.280-க்கும், சராசரியாக ரூ.443.87- க்கும் விற்பனையானது. மொத்தம் ரூ.12 லட்சத்து 71 ஆயிரத்து 961-க்கு பட்டுக்கூடுகள் விற்பனை செய்யப்பட்டது.