இதுக்கெல்லாமா...? வாட்ஸ்-அப்ல ஸ்டேட்டஸ்...! பொதுமக்கள் கவலை

கோவை,

கோவையை அடுத்த துடியலூர் என்.ஜி.ஜி.ஓ.காலனி பகுதியில் சில இளைஞர்கள் இடையே வாய் தகராறு ஏற்பட்டுள்ளது. அது பின்னர் அடி-தடியாக மாறியது.

இந்த நிலையில் அந்த சம்பவத்தில் ஈடுபட்ட இளைஞர் ஒருவர் அந்த தகராறு சம்பவத்தை தனது செல்போனில் பதிவு செய்து வாட்ஸ்- அப்பில் ஸ்டேட்டஸாக வைத்து அதை டிரெண்டிங் செய்து இருக்கிறார். இது பரபரப்பை ஏற்படுத்தி உள்ளது.

இது குறித்து துடியலூர் போலீசார் வழக்குப்பதிவு செய்து 5 இளைஞர்களை கைது செய்துள்ளனர்.

இதுகுறித்து அப்பகுதியை சேர்ந்த சமூக ஆர்வலர்கள், பொதுமக்கள் கூறும்போது, இன்றைய இளைஞர்களின் தற்போதைய நடவடிக்கைகள் கவலை அளிப்பதாகஉள்ளது. இதுக்குமா....இதுக்கெல்லாமா? வாட்ஸ்-அப் ஸ்டேட்டஸ்....என்கிற நிலை அதிர்ச்சியும், வேதனையும் அளிக்கிறது.

இளைஞர்களின் எதிர்காலத்துக்கான வாய்ப்புகளை இதுபோன்ற தவறான செயல்கள் பாதிக்கும்.பெற்றோர்கள் என்னதான் கண்காணித்தாலும், பிள்ளைகள்தான் திருந்த வேண்டும். நண்பர்களாக இருந்தாலும், மனக்கசப்புகள் வருவது இயல்புதான். ஆனால் அதனை பேசி தீர்க்க வேண்டும் என்றனர்.