கல்லூரி மாணவி கடத்தலா? போலீசார் விசாரணை

அரியலூர் மாவட்டம் உடையார்பாளையம் கருடகம்ப தெருவை சேர்ந்தவர் குகன் (வயது 51), விவசாயி. இவரது மகள் ஹரிபிரியா (21). இவர் பெரம்பலூர் மாவட்டத்தில் உள்ள தனியார் கல்லூரியில் கம்ப்யூட்டர் பிரிவில் 3-ம் ஆண்டு படித்து வருகிறார். இவர் தினமும் பஸ்சில் காலை 6 மணிக்கு கிளம்பி கல்லூரிக்கு சென்று படித்து விட்டு மீண்டும் வீட்டிற்கு மாலை 6 மணிக்கு வருவது வழக்கம். இந்தநிலையில் நேற்று முன்தினம் வழக்கம்போல் கல்லூரிக்கு சென்று வருவதாக கூறி சென்ற ஹரிபிரியா அதன்பிறகு வீட்டிற்கு வரவில்லை. இதுகுறித்து அவரது பெற்றோர் அளித்த புகாரின் பேரில் உடையார்பாளையம் போலீசார் வழக்குப்பதிவு செய்து கல்லூரி மாணவியை யாரேனும் கடத்தி சென்றனரா? அல்லது வேறு ஏதேனும் காரணமா? என்று விசாரணை நடத்தி வருகிறார்கள்.