கரூரில் புத்தக திருவிழா தொடக்கம்

கரூர் திருமாநிலையூரில் புதிய பஸ் நிலையம் அமைய உள்ள இடத்தில் புத்தக திருவிழா நேற்று தொடங்கியது. இந்த புத்தக திருவிழாவை அமைச்சர் வி.செந்தில்பாலாஜி திறந்துவைத்து பார்வையிட்டார். நேற்று தொடங்கிய இந்த புத்தக திருவிழா வருகிற 29-ந் தேதி வரை 11 நாட்கள் நடைபெற உள்ளது. இதில் 100 அரங்கில் பல்லாயிரக்கணக்கான புத்தகங்கள் வைக்கப்பட்டுள்ளன. காலை 10 மணி முதல் இரவு 9 மணி வரை நடைபெற உள்ளது. மாலை 4 மணி முதல் 6 மணி வரை கலை நிகழ்ச்சிகளும், 6 மணி முதல் 8 மணி வரை நற்சிந்தனைகள் நிகழ்ச்சிகளும் நடக்கிறது. மேலும் பள்ளி, கல்லூரி மாணவ-மாணவிகளுக்காக பஸ் வசதி ஏற்பாடு செய்யப்பட்டுள்ளது.