தூக்கில் வாலிபர் பிணம்

வலங்கைமான்:

திருவாரூர் மாவட்டம் வலங்கைமானை அடுத்த நார்த்தாங்குடி தெற்கு தெருவைச் சேர்ந்தவர் பாலு. இவருடைய மகன் மணிமாறன் (வயது 23). இவருக்கு திருமணமாகி மனைவி மற்றும் இரண்டு குழந்தைகள் உள்ளனர். இந்த நிலையில் மணிமாறன் நேற்று அவரது வீட்டின் பின்புறத்தில் தூக்கில் பிணமாக தொங்கி உள்ளார்.இதுகுறித்து அந்த பகுதியினர் வலங்கைமான் போலீசாருக்கு தகவல் தெரிவித்தனர். அதன் பேரில் சம்பவ இடத்திற்கு சென்று போலீசார், மணிமாறனின் உடலை மீட்டு பிரேத பரிசோதனைக்காக திருவாரூர் அரசு மருத்துவக்கல்லூரி ஆஸ்பத்திரிக்கு அனுப்பி வைத்தனர். மேலும் இதுகுறித்த புகாரின் போலீசார் வழக்குப்பதிவு செய்து மணிமாறன் எதற்காக தூக்குப்போட்டு தற்கொலை செய்து கொண்டார் என விசாரணை நடத்தி வருகின்றனர்.