விவசாயி மீது தாக்குதல்

கபிஸ்தலம்:

கபிஸ்தலம் அருகே உள்ள பொன்பேத்தி பழைய தெருவில் வசிப்பவர் செல்வம் (வயது55). விவசாயி. இவர் சம்பவத்தன்று பொன்பேத்தி குடிநீர் தொட்டி அருகில் நின்று கொண்டிருந்தார்.அப்போது அந்த வழியாக லோடு ஆட்டோவை ஓட்டி வந்த பொன்பேத்தி புதுத்தெருவில் வசிக்கும் அர்ஜுனன் மகன் ராஜேஷ் (30) என்பவர், செல்வத்திடம் தகராறு செய்து தகாத வார்த்தைகளால் திட்டி அவரை உருட்டுக்கட்டையால் தாக்கி உள்ளார்.

இதில் படுகாயம் அடைந்த அவரை அக்கம் பக்கத்தினர் மீட்டு சிகிச்சைக்காக கும்பகோணம் அரசு ஆஸ்பத்திரியில் அனுமதித்தனர். அங்கு அவர் சிகிச்சை பெற்று வருகிறார். இதுகுறித்த புகாரின் பேரில் கபிஸ்தலம் போலீஸ் சப்-இன்ஸ்பெக்டர் முருகேசன் மற்றும் போலீசார் வழக்குப்பதிவு செய்து லோடு ஆட்டோ டிரைவர் ராஜேசை கைது செய்தனர்.