அரசு பஸ் மோதி விபத்து தச்சு தொழிலாளி சாவு

வேதாரண்யம் அருகே உள்ள அவரிக்காடு பகுதியை சோ்ந்தவர் சுகுமாறன் (வயது38). தச்சு தொழிலாளி. சம்பவத்தன்று இவர், தனது மோட்டார் சைக்கிளில் முதலியார்தோப்பு பகுதியில் சென்று கொண்டிருந்தார். அப்போது அங்கு உள்ள வேதாரண்யம்- திருத்துறைப்பூண்டி சாலையை கடக்க முயன்றபோது மோட்டார் சைக்கிள் மீது அரசு பஸ் மோதியது. இதில் படுகாயம் அடைந்த அவர் திருவாரூர் அரசு மருத்துவக் கல்லூரி ஆஸ்பத்திரியில் அனுமதிக்கப்பட்டு சிகிச்சை பெற்று வந்தார். அங்கு சிகிச்சை பலனின்றி நேற்று அவர் பரிதாபமாக இறந்தார். இதுகுறித்து வேதாரண்யம் போலீஸ் இன்ஸ்பெக்டர் குணசேகரன் மற்றும் போலீசார் வழக்குப்பதிவு செய்து விசாரணை நடத்தி வருகிறார்கள்.