5 ஆட்டுக்குட்டிகளை ஈன்ற ஆடு

பொன்னமராவதி அருகே கண்டியாநத்தம் ஊராட்சி பூதன்வளவு கிராமத்தை சேர்ந்தவர் அடைக்கன் மனைவி சரசு. இவர் விவசாயம் செய்து வருவதோடு சில ஆடுகளையும் வளர்த்து வருகிறார். பொதுவாக ஆடானது 2 அல்லது 3 குட்டிகளை மட்டுமே ஈனும். ஆனால் வழக்கத்திற்கு மாறாக சரசுவின் ஆடானது 5 குட்டிகளை ஈன்றுள்ளது. 5 ஆட்டுக்குட்டிகளும் ஆரோக்கியமாக உள்ளன. இந்த ஆட்டுக்குட்டிகளை பொதுமக்கள் ஆர்வமுடன் வந்து பார்த்து செல்கின்றனர்.