மூதாட்டியிடம் 6 பவுன் சங்கிலி பறிப்பு

தஞ்சை நாஞ்சிக்கோட்டை சாலை பாத்திமாநகரை சேர்ந்தவர் பெலிக்ஸ் மனைவி சாலட்மேரி (வயது 63). இவர் சம்பவத்தன்று பட்டப்பகலில் ஷேர் ஆட்டோவில் கடைக்கு சென்று விட்டு வீட்டிற்கு நடந்து சென்று கொண்டிருந்தார். வீட்டின் அருகே சென்றபோது அவருக்கு பின்னால் மோட்டார் சைக்கிளில் வந்த மர்ம நபர்கள் 2 பேர் சாலட்மேரி கழுத்தில் அணிந்திருந்த 6 பவுன் சங்கிலியை பறித்தனர்.

மர்மநபர்களுக்கு வலைவீச்சு

இதனால் அதிர்ச்சி அடைந்த அவர் திருடன், திருடன் என்று சத்தம் போட்டார். ஆனால், மர்மநபர்கள் சங்கிலியோடு அங்கிருந்து தப்பி சென்று விட்டனர். இதுகுறித்து தஞ்சை தெற்கு போலீஸ் நிலையத்தில் சாலட்மேரி புகார் செய்தார். அதன்பேரில் போலீஸ் இன்ஸ்பெக்டர் ரமேஷ் மற்றும் போலீசார் சம்பவ இடத்திற்கு சென்று விசாரணை நடத்தினர். மேலும் இதுகுறித்து வழக்குப்பதிவு செய்து 6 பவுன் சங்கிலியை பறித்து சென்ற மர்மநபர்களை வலைவீசி தேடிவருகின்றனர்.