விருதுநகரில் நாளை புத்தகத்திருவிழா

மாவட்டத்தில் முதன் முறையாக விருதுநகரில் புத்தகத்திருவிழா நாளை தொடங்குகிறது. இதனை அமைச்சர்கள் அமைச்சர்கள் சாத்தூர் ராமச்சந்திரன், தங்கம்ெதன்னரசு தொடங்கி வைக்கின்றனர்.

புத்தகத்திருவிழா

முதல்-அமைச்சர் மு.க.ஸ்டாலின் அறிவுறுத்தலின்படி பொதுமக்கள் மற்றும் மாணவருடைய புத்தக வாசிப்பு பழக்கத்தினை ஊக்கப்படுத்த புத்தகத்திருவிழா விருதுநகரில் ஏற்பாடு செய்யப்பட்டுள்ளது. முதன்முறையாக நடைபெறும் புத்தகத்திருவிழா விருதுநகர் கே.வி.எஸ். பள்ளி மைதானத்தில் நாளை (வியாழக்கிழமை) தொடங்குகிறது. இந்த விழா 27-ந் தேதி வரை நடக்கிறது. காலை 11 மணி முதல் இரவு 9 மணி வரை நடைபெறும் புத்தகத்திருவிழாவை நாளை மாலை அமைச்சர்கள் சாத்தூர் ராமச்சந்திரன், தங்கம் தென்னரசு ஆகியோர் தொடங்கி வைக்கின்றனர்.

விழா நிகழ்ச்சியில் நாடாளுமன்ற, சட்டமன்ற உறுப்பினர்கள், மக்கள் பிரதிநிதிகள் கலந்து கொள்கின்றனர்.

கலைநிகழ்ச்சிகள்

வருகிற 18-ந் தேதி முதல் 27-ந் தேதி வரை புத்தகத்திருவிழா வளாகத்தில் 11 மணி முதல் மாலை 3 மணி வரை பள்ளி, கல்லூரி மாணவர்களுக்கு பல்வேறு போட்டிகளும், மாலை 3 மணி முதல் 4 மணி வரை பள்ளி மாணவ-மாணவிகளுக்கான கலை நிகழ்ச்சிகளும், மாலை 4 மணி முதல் 5 மணி வரை கல்லூரி மாணவ- மாணவிகளுக்கான கலை நிகழ்ச்சிகளும், மாலை 5 மணி முதல் இரவு 8 மணி வரை நாட்டுப்புற கலை நிகழ்ச்சிகளும் நடைபெற உள்ளன.

18-ந் தேதி முதல் 27-ந் தேதி வரை பல்வேறு இலக்கிய அறிஞர்கள், எழுத்தாளர்கள் கலந்து கொள்ளும் கருத்தரங்கம், பட்டிமன்றம் நடைபெற உள்ளது. எனவே புத்தகத்திருவிழாவில் பொதுமக்கள், இளைஞர்கள், மாணவ-மாணவிகள் உள்ளிட்ட பல்வேறு தரப்பினரும் கலந்து கொண்டு பயன்பெற வேண்டுகிறேன் என கலெக்டர் மேகநாத ரெட்டி கேட்டுக்கொண்டுள்ளார்.