விவசாயி விஷம் குடித்து தற்கொலை

கிருஷ்ணகிரி கே.ஆர்.பி. அணை அருகே உள்ள துடுகனஅள்ளியை சேர்ந்தவர் சின்னசாமி (வயது 58). விவசாயி. இவருக்கு கடன் பிரச்சினை இருந்தது. இதனால் தனது நிலத்தை விற்பனை செய்ய அவர் முடிவு செய்தார். இதற்கு அவரது மனைவி மற்றும் மகன் எதிர்ப்பு தெரிவித்தனர். இதனால் அடிக்கடி குடும்ப தகராறு ஏற்பட்டு வந்தது. இதனால் கடந்த 6 மாதங்களுக்கு முன்பு சின்னசாமியின் மனைவி கண்ணம்மாள் தனது பெற்றோர் வீட்டிற்கு சென்று விட்டார். இதில் மன வேதனையில் இருந்த சின்னசாமி நேற்று முன்தினம் வீட்டில் விஷம் குடித்து தற்கொலை செய்து கொண்டார். இது குறித்து கிருஷ்ணகிரி கே.ஆர்.பி. அணை போலீசார் வழக்குப்பதிவு செய்து விசாரணை நடத்தி வருகிறார்கள்.