வாகனம் மீது மரம் முறிந்து விழுந்து விபத்து - 2 ராணுவ வீரர்கள் படுகாயம்

ஜம்மு,

காஷ்மீரின் ரம்பன் மாவட்டத்தில் வழக்கமான ரோந்துப்பணி மேற்கொள்ள ராணுவ வாகனங்கள் அணிவகுத்து சென்று கொண்டிருந்தன. வனப்பகுதி சாலையில் அவை சென்றபோது மரம் ஒன்று முறிந்து ராணுவ வாகனங்களின் மீது விழுந்தது.

இந்த விபத்தில் 2 ராணுவ வீரர்கள் படுகாயமடைந்தனர். அவர்கள் மீட்கப்பட்டு சிகிச்சைக்காக ராணுவ ஆஸ்பத்திரிக்கு அனுப்பி வைக்கப்பட்டனர். இது பயங்கரவாதிகளின் நாசவேலையாக இருக்கலாம் என்ற கோணத்தில் விசாரணை நடக்கிறது.