தெலுங்கானா: 60-வது நாளை எட்டிய ராகுல்காந்தியின் பாத யாத்திரை...!

ஐதராபாத்,

காங்கிரஸ் முன்னாள் தலைவர் மற்றும் எம்.பி.யான ராகுல் காந்தி தலைமையில் இந்திய ஒற்றுமை யாத்திரை நடந்து வருகிறது. இதில், திரளான காங்கிரஸ் தொண்டர்கள் கலந்து கொண்டு வருகின்றனர். இந்த பாதயாத்திரையானது நாளை மராட்டிய எல்லையை அடைகிறது. இந்தநிலையில் இன்று நடைபெற்று வரும் பாத யாத்திரையில் சமூக ஆர்வலரும், மூத்த வழக்கறிஞருமான பிரசாந்த் பூஷன் பங்கேற்றார். தெலுங்கானாவில் உள்ள மேடக் மாவட்டத்தில் உள்ள அல்லதுர்க்கில் இருந்து இன்று காலை மீண்டும் தொடங்கிய பேரணியில், எஸ்சி பிரிவினைக்காக போராடும் அமைப்பான மதிகா இட ஒதுக்கீடு போராட்ட சமிதியின் (எம்ஆர்பிஎஸ்) தலைவர் மந்த கிருஷ்ண மடிகாவும் ராகுல்காந்தியின் பாதயாத்திரையில் பங்கேற்றார்.

மேடக் மாவட்டத்தில் உள்ள பெத்தாபூர் கிராமத்தில் ஒரு கூட்டத்தில் உரையாற்றிய ராகுல்காந்தி, நாட்டில் 2014 ஆம் ஆண்டு முதல் வேலையின்மை மற்றும் விலைவாசி உயர்வு அதிகமாக இருப்பதாக குற்றம் சாட்டினார்.