நாட்டிலேயே தங்க கடத்தலில் கேரளா முதலிடம் தமிழ்நாடு 2ஆம் இடம்.. அதிர்ச்சி அறிக்கை

புதுடெல்லி,

நாட்டிலேயே தங்கக் கடத்தலில் கேரளா முதல் இடம் வகிப்பதாக மத்திய அரசு புள்ளி விவரங்களில் தெரிவிக்கப்பட்டுள்ளது.

இது குறித்து அளிக்கப்பட்டுள்ள தரவுகளில், கேரளாவிலுள்ள 4 சர்வதேச விமான நிலையம் வழியாக கடந்த 4 ஆண்டுகளில் நாட்டிலேயே அதிகளவு கடத்தல் தங்கம் கைப்பற்றப்பட்டுள்ளதாக தெரிவிக்கப்பட்டுள்ளது.

மேலும், 2019-ஆம் ஆண்டு முதல் கடந்த மாதம் வரை 3 ஆயிரத்து 431 வழக்குகளில் 2 ஆயிரத்து 408 கிலோ கடத்தல் தங்கம் பறிமுதல் செய்யப்பட்டுள்ளது. இது இந்தியாவில், 4 ஆண்டுகளில் கைப்பற்றப்பட்ட மொத்த தங்கம் 11 ஆயிரத்து 294 கிலோவில், 21 சதவீதம் ஆகும்.

தமிழ்நாட்டில் பதிவு செய்யப்பட்ட 3 ஆயிரத்து 192 வழக்குகளில், ஆயிரத்து 788 கிலோ தங்கம் பறிமுதல் செய்யப்பட்டுள்ளது. தங்ககடத்தலில் தமிழகம் இரண்டாவது இடத்தில் உள்ளது.