இஸ்லாமிய நாடுகளுடன் இந்தியா வலிமையான உறவை கொண்டுள்ளது - பிரதமர் மோடி

காந்தி நகர்,

182 தொகுதிகளை கொண்ட குஜராத் மாநில சட்டசபைக்கு 2 கட்டங்களாக தேர்தல் நடைபெறுகிறது. அதன்படி, கடந்த 1-ம் தேதி முதல்கட்ட தேர்தல் நடைபெற்ற நிலையில் வரும் 5-ம் தேதி 2-ம் கட்ட தேர்தல் நடைபெற உள்ளது. தேர்தலில் பதிவாகும் வாக்குகள் வரும் 8-ம் தேதி எண்ணப்பட்டு அன்றே முடிவுகள் அறிவிக்கப்படுகின்றன.

முதற்கட்ட தேர்தல் ஏற்கனவே நடந்த முடிந்த நிலையில் 2-ம் கட்ட தேர்தலுக்கான பரப்புரை தீவிரமாக நடைபெற்று வருகிறது. அரசியல் கட்சிகள் தீவிர தேர்தல் பிரசாரத்தில் ஈடுபட்டு வருகின்றன.

இந்நிலையில், பாஜக வேட்பாளர்களுக்கு ஆதரித்து அகமதாபாத்தில் பிரதமர் மோடி நேற்று தேர்தல் பிரசாரத்தில் ஈடுபட்டார். பிரசார கூட்டத்தில் பிரதமர் மோடி பேசியதாவது, 2014-ம் ஆண்டுக்கு பின் இஸ்லாமிய நாடுகளுடன் இந்தியா வலிமையான உறவை கொண்டுள்ளது. ஐக்கிய அரபு அமீரகம், சவுதி அரேபியா, பக்ரைன் ஆகிய நாடுகள் தங்கள் நாடுகளின் உயரிய விருதுகளை எனக்கு கொடுத்துள்ளது எனக்கு மட்டுமின்றி ஒவ்வொரு குஜராத்திக்கும் பெருமைக்குரிய விஷயம்' என்றார்.