< Back
சினிமா துளிகள்
ஐமேக்ஸில் வெளியாகும் முதல் தமிழ் படம் பொன்னியின் செல்வன்.. படக்குழு அறிவிப்பு..
சினிமா துளிகள்

ஐமேக்ஸில் வெளியாகும் முதல் தமிழ் படம் பொன்னியின் செல்வன்.. படக்குழு அறிவிப்பு..

தினத்தந்தி
|
18 Aug 2022 4:40 PM GMT

இயக்குனர் மணிரத்னம் இயக்கத்தில் உருவாகியுள்ள திரைப்படம் பொன்னியின் செல்வன் -1. இந்த திரைப்படம் செப்டம்பர் 30-ஆம் தேதி திரையரங்குகளில் வெளியாகவுள்ளது.

கல்கியின் புகழ் பெற்ற "பொன்னியின் செல்வன்" நாவலை அடிப்படையாகக் கொண்டு இயக்குனர் மணிரத்னம் இயக்கத்தில் உருவாகியுள்ள திரைப்படம்"பொன்னியின் செல்வன்". இரண்டு பாகங்களாக உருவாக இருக்கும் இப்படத்தின் முதல் பாகம் வருகிற செப்டம்பர் 30-ஆம் தேதி திரைக்கு வர இருப்பதாக அதிகாரப்பூர்வ அறிவிப்புகள் வெளியாகின.

முன்னணி திரைப்பிரபலங்கள் பலர் நடித்துள்ள இப்படத்தின் டீசர் மற்றும் முதல் பாடல் அண்மையில் வெளியாகி ரசிகர்களிடையே நல்ல வரவேற்பை பெற்றது.

இந்நிலையில், செப்டம்பர் 30-ஆம் தேதி திரையரங்குகளில் வெளியாகும் இப்படத்தை ஐமேக்ஸ் தொழில்நுட்பத்துடன் கண்டுகளிக்கலாம் என படக்குழு அதிகாரப்பூர்வமாக அறிவித்துள்ளது. பொன்னியின் செல்வன் திரைப்படம் ஐமேக்ஸில் வெளியாகும் முதல் தமிழ் படம் என்பது குறிப்பிடத்தக்கது.

மேலும் செய்திகள்