சிகிச்சையை முடித்த அருண் விஜய்.. வைரலாகும் உடற்பயிற்சி வீடியோ..

அஜித் நடிப்பில் கடந்த 2007-ம் ஆண்டு வெளியான 'கிரீடம்' படத்தின் மூலம் தமிழ் சினிமாவுக்கு இயக்குனராக அறிமுகமாவனர் ஏ.எல்.விஜய். அதன்பின்னர் மதராசப்பட்டினம், தெய்வ திருமகள், தாண்டவம் உள்ளிட்ட பல படங்களை இயக்கி அனைவரையும் கவர்ந்தார். தற்போது இவர் அருண் விஜய் நடிக்கும் 'அச்சம் என்பது இல்லையே' என்ற படத்தை இயக்கி வருகிறார். இப்படத்தின் கதாநாயகியாக எமி ஜாக்சன் நடிக்க ஜி.வி.பிரகாஷ்குமார் இசையமைக்கிறார்.

சமீபத்தில் இப்படத்தின் படப்பிடிப்பில் நடிகர் அருண் விஜய்க்கு காயம் ஏற்பட்டது. இதையடுத்து இவர் கேரளாவில் ஆயுர்வேத முறையில் சிகிச்சை மேற்கொண்டு வந்தார். மேலும் விரைவில் படப்பிடிப்பில் கலந்து கொள்வேன் என்றும் தனது சமூக வலைதளத்தில் பதிவிட்டிருந்தார்.

இந்நிலையில், இவர் தற்போது சிகிச்சை முடிந்து மீண்டும் உடற்பயிற்சியில் ஈடுபட்டுள்ளார். இது தொடர்பான வீடியோவை தனது இணையப் பக்கத்தில் பகிர்ந்துள்ளார். இந்த வீடியோவை ரசிகர்கள் அதிகம் பகிர்ந்து வைரலாக்கி வருகின்றனர்.