விஜய் ஆண்டனி நடித்துள்ள 'தமிழரசன்' படத்தின் ரிலீஸ் தேதி அறிவிப்பு

சென்னை,

இசையமைப்பாளரும் நடிகருமான விஜய் ஆண்டனி பிசியான நடிகராக வலம்வருகிறார். தற்போது அவர் அக்னி சிறகுகள், காக்கி, தமிழரசன், பிச்சைக்காரன் 2, கோடியில் ஒருவன், கொலை, மழை பிடிக்காத மனிதன், வள்ளி மயில் உள்ளிட்ட படங்களை கைவசம் வைத்துள்ளார்.

இதில் இயக்குனர் பாபு யோகிஸ்வரன் இயக்கத்தில் விஜய் ஆண்டனி நடித்துள்ள 'தமிழரசன்' திரைப்படம் ரிலீசுக்கு தயாராகி உள்ளது. இந்த படத்தின் ரிலீஸ் தேதியை படக்குழு அறிவித்துள்ளது. அதன்படி இந்த திரைப்படம் வருகிற டிசம்பர் 30-ந்தேதி வெளியாகும் என்று தெரிவிக்கப்பட்டுள்ளது.

'தமிழரசன்' படத்தில் விஜய் ஆண்டனிக்கு ஜோடியாக நடிகை ரம்யா நம்பீசன் நடித்துள்ளார். மேலும் இந்த படத்தில் மலையாள நடிகர் சுரேஷ் கோபி, பாலிவுட் நடிகர் சோனு சூட், யோகி பாபு, சங்கீதா உள்ளிட்ட பலர் முக்கிய கதாபாத்திரத்தில் நடித்துள்ளனர். இந்த படத்திற்கு இளையராஜா இசையமைத்துள்ளார்.