விஜய் படம் தணிக்கை

லோகேஷ் கனகராஜ் இயக்கத்தில் விஜய் நடித்துள்ள 'லியோ' படம் திரைக்கு வர உள்ள நிலையில் படத்தை தணிக்கைக்கு அனுப்பி வைத்தனர். தணிக்கை குழுவினர் படத்தை பார்த்து 'யூ ஏ' சான்றிதழ் அளித்துள்ளனர்.

அதீத வன்முறை காட்சிகள் இடம்பெற்றுள்ளதால் 'யு' சான்றிதழ் கிடைக்கவில்லை என்று கூறப்படுகிறது. படத்தில் இடம்பெற்ற சில சர்ச்சை காட்சிகள் மற்றும் வசனங்களை தணிக்கை குழுவினர் நீக்கி இருப்பதாக கூறப்படுகிறது.

ஏற்கனவே 'லியோ' படத்தில் இடம்பெற்ற நான் ரெடி பாடலில் சர்ச்சை வரிகள் இருப்பதாக எதிர்ப்பு கிளம்பிய நிலையில் அந்த வரிகள் நீக்கப்பட்டன என்பது குறிப்பிடத்தக்கது.

'லியோ' படத்தில் விஜய் ஜோடியாக திரிஷா நடித்துள்ளார். வில்லனாக இந்தி நடிகர் சஞ்சய்தத் வருகிறார். அர்ஜுன், பிரியா ஆனந்த், மிஷ்கின், கவுதம் மேனன், மன்சூர் அலிகான் உள்ளிட்ட பலர் நடித்துள்ளனர். அதிரடி சண்டை படமாக தயாராகி உள்ளது.