ஐ.எஸ்.எல். கால்பந்து தொடர்; பெங்களூரு - கோவா ஆட்டம் 'டிரா'

பெங்களூரு,

பெங்களூரு , 13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இந்நிலையில், இந்த தொடரில் இன்று 2 லீக் ஆட்டங்கள் நடைபெறுகிறது

அதில் மாலை 5 மணிக்கு பெங்களூரிவில் நடைபெற்ற ஆட்டத்தில் பெங்களூரு எப்.சி. - எப்.சி. கோவா அணிகள் மோதின. இந்த ஆட்டத்தின் முதல் பாதியில் கோவா அணி ஒரு கோல் அடித்து முன்னிலை பெற்றது. தொடர்ந்து நடைபெற்ற 2வது பாதி ஆட்டத்திலும் கோவா மற்றொரு கோல் அடித்தது.

இதனால் 2-0 என கோவா என முன்னிலை வகித்தது. இதையடுத்து அபார ஆட்டத்தை வெளிப்படுத்திய பெங்களூரு அணியினர் அடுத்தடுத்து 2 கோல்களை அடித்து அசத்தினர். இதனால் ஆட்டம் 2-2 என சமனுக்கு வந்தது.

தொடர்ந்து இரு அணி வீரர்களும் கோல் அடிக்க எடுத்த முயற்சிகளுக்கு இறுதிவரை பலன் கிடைக்கவில்லை. இறுதியில் இந்த ஆட்டம் 2-2 என்ற கோல் கணக்கில் டிராவில் முடிந்தது. இன்று நடைபெற்று வரும் மற்றொரு ஆட்டத்தில் மோகன் பகான் - கேரளா பிளாஸ்டர்ஸ் அணிகள் ஆடி வருகின்றன.