சென்னையில் ஐபிஎல் போட்டி - ஆன்லைனில் ஒரே நிமிடத்தில் டிக்கெட் தீர்ந்து போனதால் ரசிகர்கள் ஏமாற்றம்

சென்னை சேப்பாக்கில் வரும் 21ம் தேதி சென்னை-ஐதராபாத் அணிகளுக்கு இடையேயான போட்டிக்கான டிக்கெட் விற்பனை இன்று துவங்கியது.சேப்பாக்கம் கிரிக்கெட் ஸ்டேடியத்தில் உள்ள இரு கவுண்ட்டர்களில் ரூ.1,500-க்கான (சி, டி, இ கீழ்தளம்) டிக்கெட்டுகள் விற்கப்படுகிறது. ரூ.2,000, ரூ.2,500 ஆகிய விலைக்கான டிக்கெட்டுகள் கவுண்ட்டரிலும், ஆன்லைன் மூலம் வாங்கிக் கொள்ளலாம் என தெரிவிக்கப்பட்டது.

காலை 9.30 மணிக்கு டிக்கெட் விற்பனை தொடங்கியது. ஒரு நபருக்கு 2 டிக்கெட் வழங்கப்பட்டது. டிக்கெட் விற்பனை மிகவும் விறுவிறுப்பாக இருந்தது. ரசிகர்கள் நீண்ட வரிசையில் காத்திருந்து டிக்கெட்டுகளை வாங்கி சென்றனர்.

இந்த நிலையில் கவுன்டரில் விற்பனை தொடங்கிய மூன்றே மணி நேரத்தில் டிக்கெட் தீர்ந்து போனது.ஆன்லைனிலும் ஒரே நிமிடத்தில் டிக்கெட் தீர்ந்து போனதால் ரசிகர்கள் ஏமாற்றம் அடைந்தனர்