உலக டெஸ்ட் சாம்பியன்ஷிப் இறுதிப்போட்டி: விக்கெட் கீப்பர் இஷான் கிஷனா? கேஎஸ் பரத்தா? - ரவி சாஸ்திரிவின் தேர்வு யார்?

டெல்லி,

இந்தியா-ஆஸ்திரேலியா இடையேயான உலக டெஸ்ட் சாம்பியன்ஷிப் இறுதிப்போட்டி இங்கிலாந்து ஓவல் மைதானத்தில் வரும் 7ம் தேதி நடைபெற உள்ளது.

உலக டெஸ்ட் சாம்பியன்ஷிப் இறுதிப்போட்டிக்காக இந்தியா - ஆஸ்திரேலிய அணிகள் தீவிர பயிற்சியில் ஈடுபட்டு வருகின்றனர்.

இதனிடையே, இந்திய அணியின் விக்கெட் கீப்பராக இருந்த ரிஷப் பண்ட் கடந்த சில மாதங்களுக்கு முன் ஏற்பட்ட கார் விபத்தில் படுகாயமடைந்தார். அவருக்கு சிகிச்சை அளிக்கப்பட்டு தற்போது குணடைந்துள்ளார். ஆனாலும், அவரால் அடுத்த சில மாதங்களுக்கு கிரிக்கெட் விளையாட முடியாத சூழ்நிலை உள்ளது. இதனால் இந்திய அணியின் விக்கெட் கீப்பராக யார்? செயல்படுவார் என்பதில் குழப்பமான சூழ்நிலை நிலவி வருகிறது.

இஷான் கிஷன், கேஎஸ் பரத், விருதிமன் சஹா உள்ளிட்ட வீரர்கள் இந்திய கிரிக்கெட் அணியின் கீப்பர் வரிசையில் உள்ளனர்.

இந்நிலையில், உலக டெஸ்ட் சாம்பியன்ஷிப் இறுதிப்போட்டியில் இந்திய அணியின் யார் இடம்பெற வேண்டும் என்ற விருப்பத்தை இந்திய அணியின் முன்னாள் பயிற்சியாளர் ரவிசாஸ்திரி தெரிவித்துள்ளார். மேலும், அணியில் எந்த வீரர்கள் இடம்பெற வேண்டும் என்றும் ரவிசாஸ்திரி விருப்பம் தெரிவித்துள்ளார்.

இது தொடர்பாக ரவி சாஸ்திரி கூறுகையில், உலக டெஸ்ட் சாம்பியன்ஷிப் போட்டியை பார்க்கும்போது கடந்த முறை இறுதிப்போட்டியில் இருந்து நிறைய கற்றுக்கொள்வது முக்கியது. கடந்த முறை சவுதாம்டனில் வானிலை மிகவும் முக்கிய பங்காற்றியது.

ஆகையால், அதற்கு ஏற்றார்போல் நான் 12 வீரர்களை தேர்வு செய்கிறேன். எனது 12 வீரர்கள் பட்டியல் மிகவும் தெளிவானது. அதில், ரோகித் சர்மா, சுப்மன் கில், புஜாரா, கோலி, ரஹானே, 5வது இடத்தில் கேஎஸ் பரத்தா அல்லது இஷான் கிஷனா என்பதில் எதிர் அணி 2 சுழப்பந்து வீச்சாளர்களுடன் சென்றால் நான் கேஎஸ் பரத்தை சேர்ப்பேன். ஆனால், எதிர் அணி 4 வேகப்பந்து வீச்சாளர்கள் 1 சுழற்பந்து வீச்சாளருடன் விளையாடினால் நான் இஷான் கிஷனை தேர்வு செய்வேன். அடுத்து ஜடேஜா, ஷமி, சிராஜ், ஷர்துல் தாகூர், அஸ்வின், உமேஷ் ஆகியோர் என் தேர்வு செய்யும் வீரர்கள் என ரவி சாஸ்திரி கூறினார்.