ஐபிஎல்: சென்னை சூப்பர் கிங்ஸ் அணியால் ரூ. 8.40 கோடிக்கு ஏலத்தில் எடுக்கப்பட்ட இந்திய இளம் வீரர்..!

இந்திய வீரர் ரமன்தீப் சிங்கை ரூ. 20 லட்சத்திற்கு கொல்கத்தா அணி வாங்கியுள்ளது. 

தமிழக வீரர் ஷாருக்கானை ரூ.7.40 கோடிக்கு குஜராத் அணி வாங்கியது.

இந்தியாவை சேர்ந்த இளம் வீரர்களான அங்கிரிஷ் ரகுவன்ஷியை கொல்கத்தா அணியும், அர்ஷின் குல்கர்னியை லக்னோ அணியும் அடிப்படை விலைக்கே ஏலம் எடுத்தன. 

இந்தியாவை சேர்ந்த இதுவரை சர்வதேச போட்டிகளில் விளையாடி அனுபவம் பெறாத இளம் வீரர் சமீர் ரிஸ்வியை ஏலத்தில் எடுக்க அணிகள் போட்டி போட்டன. இறுதியில் சென்னை அணி அவரை ரூ.8.40 கோடிக்கு ஏலத்தில் எடுத்தது.

 உள்ளூர் போட்டிகளில் விளையாடி அனுபவம் பெற்ற இந்தியாவை சேர்ந்த சுபம் துபே ராஜஸ்தான் அணியால் ரூ.5.8 கோடிக்கு ஏலம் எடுக்கப்பட்டுள்ளார். 

ஜோஷ் ஹேசில்வுட், முஜீப் ரகுமான், தப்ரைஸ் ஷம்சி, சோதி உள்ளிட்ட சில முக்கிய வீரர்களை ஏலத்தில் எடுக்க எந்த அணிகளும் முன்வரவில்லை.

இலங்கை வீரர் தில்ஷன் மதுஷங்காவை ரூ. 4.60 கோடிக்கு மும்பை அணி வாங்கியது.

மிகவும் எதிர்பார்க்கப்பட்ட ஆஸ்திரேலிய வேகப்பந்து வீச்சாளரான மிட்செல் ஸ்டார்க்கை ஏலத்தில் எடுக்க அணிகளுக்கு இடையே கடும் போட்டி நிலவியது. இறுதியில் ஐ.பி.எல் வரலாற்றிலேயே அதிக தொகையாக ரூ. 24.75 கோடிக்கு கொல்கத்தா அணி வாங்கியது.

இந்திய இளம் வேகப்பந்து வீச்சாளர் ஷிவம் மாவியை ரூ. 6.40 கோடிக்கு லக்னோ அணி வாங்கியது.

இந்திய வேகப்பந்து வீச்சாளரான உமேஷ் யாதவை ரூ. 5.80 கோடிக்கு குஜராத் அணி வாங்கியது.