மண்டல அளவிலான ஆக்கி போட்டி தொடக்கம்

மண்டல அளவிலான 14 வயதுக்கு உட்பட்ட ஆண்கள் ஆக்கி போட்டி திருச்சி அண்ணா ஸ்டேடியத்தில் நேற்று தொடங்கியது. திருச்சி ஆக்கி அகாடமி சார்பில் நடக்கும் இந்தபோட்டியில் 11 அணிகள் பங்கேற்றுள்ளன. 2 நாட்கள் நடக்கும் இந்த போட்டியில் நேற்று நடந்த ஆட்டம் ஒன்றில் திருச்சி ஆக்கி அகாடமி அணி, டபோடில்ஸ் அணியை எதிர்கொண்டது. இதில் திருச்சி ஆக்கி அகாடமி அணி 3-0 என்ற கோல் கணக்கில் வெற்றி பெற்றது. அதனைத் தொடர்ந்து நடந்த மற்றொரு ஆட்டத்தில் காஜாமியான் பள்ளி அணியுடன், திருச்சி ஆக்கி அகாடமி அணி மோதியது. இதில் தொடக்கம் முதலே ஆதிக்கம் செலுத்தி ஆடிய காஜாமியான் பள்ளி அணி 5-0 என்ற கோல் கணக்கில் வெற்றி பெற்றது. இன்று (ஞாயிற்றுக்கிழமை) 2-வது மற்றும் கடைசி நாள் போட்டிகள் நடக்கின்றன.