கஞ்சாவுடன் வாலிபர் கைது

ராமநாதபுரம் எம்.எஸ்.கே.நகர் பகுதியில் கருவேலமரக்காட்டு பகுதியில் கஞ்சா விற்பனை செய்வதாக நகர் போலீசாருக்கு ரகசிய தகவல் கிடைத்தது.

இதனை தொடர்ந்து நகர் போலீஸ் சப்-இன்ஸ்பெக்டர் அருள் தலைமையில் போலீசார் அங்கு சென்று சோதனையிட்டனர். அப்போது சந்தேகத்திற்கு இடமான முறையில் நின்று கொண்டிருந்தவரை பிடித்து சோதனையிட்ட போது அவரிடம் 250 கிராம் கஞ்சா இருந்தது. அவற்றை கைப்பற்றினர். இதுதொடர்பாக போலீசார் எம்.எஸ்.கே.நகரை சேர்ந்த ரெங்கசாமி மகன் பாலமுருகன் (வயது 19) என்பவரை கைது செய்தனர்.