குண்டர் சட்டத்தில் வாலிபர் கைது

மதுரை ரிசர்வ்லைன் ஆத்திக்குளம் நேருதெருவை சேர்ந்தவர் செல்வராஜ். இவரது மகன் வீரகார்த்திக் (வயது 23). நகரில் உள்ள போலீஸ் நிலையங்களில் இவர் மீது கொலை, திருட்டு, வழிப்பறி உள்ளிட்ட பல்வேறு வழக்குகள் உள்ளன. எனவே இவரை குண்டர் சட்டத்தில் கைது செய்யுமாறு மாநகர போலீஸ் கமிஷனர் செந்தில்குமார் உத்தரவிட்டார். அதன் பேரில் போலீசார் குண்டர் சட்டத்தில் வழக்குப்பதிவு செய்து வீரகார்த்திக்கை கைது செய்தனர்.