மோட்டார் சைக்கிள் திருடிய வாலிபர் கைது

சங்கராபுரம்

சங்கராபுரம் பூட்டை சாலைய சேர்ந்தவர் கோவிந்தசாமி மகன் சுந்தர்ராஜன் (வயது 47). இவர் சம்பவத்தன்று இரவு தனது மோட்டார் சைக்கிளை அவரது வீட்டின் முன்பு நிறுத்தி இருந்தார். பின்னர் மறுநாள் காலையில் எழுந்து பார்த்தபோது அதனை காணவில்லை. இது குறித்து சுந்தர்ராஜன் கொடுத்த புகாரின் பேரில் சங்கராபுரம் போலீசார் வழக்குப்பதிவு செய்து விசாரணை நடத்தினர். விசாரணையில் சுந்தர்ராஜனின் மோட்டார் சைக்கிளை திருடியவர் அரசம்பட்டு கிராமத்தை சேர்ந்த கோவிந்தசாமி மகன் பிரதாப்(வயது 21) என்பது தொியவந்தது. இதையடுத்து அவரை கைது செய்த போலீசார் மோட்டார் சைக்கிளையும் பறிமுதல் செய்தனர்.