பறவைகளை வேட்டையாடிய வாலிபர் கைது

வெளிப்பாளையம்:

நாகையை அடுத்த கீழ்வேளூர் அருகே வடகரை பகுதியில் மடையான், கொக்கு உள்ளிட்ட பறவைகளை வலைகள் வைத்து வேட்டையாடி வருவதாக வனத்துறையினருக்கு ரகசிய தகவல் கிடைத்தது. அதன்பேரில் சம்பவ இடத்துக்கு சென்ற வனவர் செல்வம் தலைமையிலான வனத்துறையினர் கண்காணிப்பில் ஈடுபட்டனர். அப்போது பெரும்கடம்பனுார் பகுதிக்குட்பட்ட வடகரை பகுதியை சேர்ந்த வினோத் (வயது31) என்பவர் வலைகள் வைத்து மடையான் பறவைகள், கொக்கு ஆகியவற்றை வேட்டையாடியது தெரியவந்தது. இதையடுத்து அவரிடம் இருந்த 3 மடையான்கள், ஒரு கொக்கு ஆகியவற்றை பறிமுதல் செய்தனர். இதுகுறித்து வன உயிரின காப்பாளர் யோகேஷ்குமார் மீனா அறிவுறுத்தலின்பேரில், வனச்சரக அலுவலர் ஆதிலிங்கம் மற்றும் வனத்துறையினர் வழக்குப்பதிவு செய்து வினோத்தை கைது செய்தனர். மேலும் அவருக்கு ரூ.25 ஆயிரம் அபராதம் விதித்தனர்.