உத்தமபாளையம் அருகே உள்ள அணைப்பட்டியை சேர்ந்தவர் சந்திரன் (வயது 48). கூலித்தொழிலாளி. இவர், க.புதுப்பட்டி ஊத்துகாடு பகுதியில் உள்ள செங்கல் சூளையில் குடும்பத்துடன் தங்கி வேலை செய்து வந்தார். நேற்று இவர் வீட்டில் யாரும் இல்லாதபோது அரளி விதையை தின்று தற்கொலைக்கு முயன்றார். அக்கம்பக்கத்தினர் அவரை மீட்டு சிகிச்சைக்காக உத்தமபாளையம் அரசு மருத்துவமனையில் சேர்த்தனர். அங்கு சிகிச்சை பலனின்றி அவர் பரிதாபமாக இறந்தார். சந்திரன் தற்கொலை செய்து கொண்டதற்கான காரணம் தெரியவில்லை. இதுகுறித்து உத்தமபாளையம் போலீசார் வழக்குப்பதிவு செய்து விசாரணை நடத்தி வருகின்றனர்.