தொழிலாளி தூக்குபோட்டு தற்கொலை

தட்டார்மடம்:

தட்டார்மடம் அருகேயுள்ள சொக்கன்குடியிருப்பு மேலத்தெருவைச் சேர்ந்தவர் மா. கணேசன் (வயது 57). கூலித்தொழிலாளியான இவருக்கு மனைவி வேல்கனி, 3 மகன் மற்றும் ஒரு மகள் உள்ளனர். கணேசனுக்கு 3 ஆண்டுகளுக்கு முன்பு விபத்து ஏற்பட்டதில் தலையில் காயமடைந்து மனநிலை பாதிக்கப்பட்டு சிகிச்சை பெற்று வந்துள்ளார். மேலும் குடி பழக்கம் இருந்து வந்துள்ளது. மனநிலை சற்று சீரானதும் அடிக்கடி மது குடிப்பதை வழக்கமாக கொண்டிருந்துள்ளார். நேற்றுமுன்தினம் மது குடித்து விட்டு இரவு அவர் வீட்டுக்கு வந்துள்ளார். இந்நிலையில் நள்ளிரவில் வீட்டிலுள்ள பணக்கட்டையில் சட்டையால் தூக்கிட்டு தற்கொலை செய்து கொண்டுள்ளார்.

இதுகுறித்து அவரது மனைவி வேல்கனி கொடுத்த புகாரின் பேரில் தட்டார்மடம் போலீஸ் இன்ஸ்பெக்டர் பவுலோஸ் வழக்குபதிவு செய்து விசாரணை நடத்தி வருகிறார்.