தொழிலாளி படிக்கட்டில் தவறி விழுந்து சாவு

லாலாபேட்டை அருகே உள்ள கணக்குப்பிள்ளையூர் பகுதியை சேர்ந்தவர் ஆறுமுகம் (வயது 60). கூலி தொழிலாளி. இவர் கடந்த 2 நாட்களுக்கு முன்பு கே.புதுப்பட்டியில் உள்ள தனது மருமகன் சேகர் வீட்டிற்கு வந்து உள்ளார். இந்தநிலையில் சம்பவத்தன்று வீட்டின் படிக்கட்டில் ஆறுமுகம் தடுமாறி கீழே விழுந்து படுகாயம் அடைந்தார். இதையடுத்து படுகாயம் அடைந்த அவரை அங்கிருந்தவர்கள் மீட்டு சிகிச்சைக்காக குளித்தலை அரசு மருத்துவமனைக்கு அனுப்பி வைத்தனர். பின்னர் அவர் மேல்சிகிச்சைக்காக திருச்சி அரசு மருத்துவமனைக்கு கொண்டு செல்லப்பட்டார். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இந்த சம்பவம் குறித்து லாலாபேட்டை போலீசார் வழக்குப்பதிந்து விசாரணை நடத்தி வருகின்றனர்.