வாகனம் மோதி தொழிலாளி சாவு

தூத்துக்குடி மாப்பிள்ளையூரணி காமராஜர் நகர் கிழக்கு பகுதியை சேர்ந்தவர் மாரியப்பன் (வயது 40). கட்டிட தொழிலாளி. சம்பவத்தன்று இவர் எட்டயபுரம் ரோட்டில் உள்ள கடலைமிட்டாய் கம்பெனி அருகே சைக்கிளில் சென்று கொண்டு இருந்தார். அப்போது அந்த வழியாக வந்த அடையாளம் தெரியாத வாகனம், மாரியப்பனின் சைக்கிள் மீது மோதிவிட்டு நிற்காமல் சென்று விட்டது. இதில் பலத்த காயம் அடைந்த மாரியப்பன் பரிதாபமாக இறந்தார்.

இதுகுறித்த புகாரின் பேரில் சிப்காட் போலீசார் வழக்குப்பதிவு செய்து விசாரணை நடத்தி வருகின்றனர்.