விஷம் குடித்து தொழிலாளி தற்கொலை

வடக்கன்குளம்:

பழவூர் அருகே உள்ள வண்ணார்குளம் கீழத்தெருவை சேர்ந்த அர்ஜூனன் மகன் குணசேகர் (வயது 37). திருமணம் முடிந்து 2 குழந்தைகள் உள்ளனர். இவருக்கு மது குடிக்கும் பழக்கம் உண்டு. அதனால் அவர் சரிவர வேலைக்கு செல்லவில்லை. அதன் காரணமாக வீட்டில் அடிக்கடி பிரச்சினை ஏற்பட்டுள்ளது. இதனால் விரக்தி அடைந்த குணசேகர் நேற்று விஷம் குடித்து தற்கொலை செய்து கொண்டார். இதுகுறித்து பழவூர் போலீசார் வழக்குப்பதிவு செய்து விசாரணை நடத்தி வருகின்றனர்.