தனுஷ்கோடியில் இறந்து கிடந்த பெண்

ராமேசுவரம்,

ராமேசுவரம் தனுஷ்கோடி மீனவர் காலனி எதிரில் முள் காடு பகுதியில் 45 வயது மதிக்கத்தக்க பெண் ஒருவர் பிணமாக கிடப்பதாக போலீசாருக்கு தகவல் கிடைத்தது. இதன் பேரில் தனுஷ்கோடி போலீஸ் இன்ஸ்பெக்டர் முருகேசன் மற்றும் போலீசார் சம்பவ இடத்துக்கு சென்றனர். அங்கு பார்த்தபோது அந்த பெண் உ டல் அழுகிய நிலையில் இருந்தது. அவருக்கு வயது 45 முதல் 50-க்குள் இருக்கும். அந்த பெண் காபி கலர் சேலை, ரோஸ் கலர் ஜாக்கெட் அணிந்திருந்தார். அவரது உடலை கைப்பற்றி ராமநாதபுரம் ஆஸ்பத்திரிக்கு பிரேத பரிசோதனைக்கு அனுப்பி வைத்தனர். இதுகுறித்து தனுஷ்கோடி போலீசார் வழக்கு பதிவு செய்து இறந்த பெண் யார்? எந்த ஊரை சேர்ந்தவர்? அவர் இறந்தது எப்படி? என்பது குறித்து விசாரணை நடத்தி வருகின்றனர்.