மாடியில் இருந்து விழுந்து பெண் சாவு

கோவை

கோவை போத்தனூர்அருகே உள்ள வெள்ளலூர், கருப்பசாமி வீதியை சேர்ந்தவர் வேலுசாமி.அவருடைய மனைவி ஜோதிமணி (வயது 60). மகன் சரவணன் அந்த பகுதியில் புதிதாக வீடு கட்டி வருகிறார்.வீட்டின் முதல் மாடியில் நின்றுஜோதிமணி கட்டிடத்துக்கு தண்ணீர் ஊற்றி கொண்டிருந்தார்.

அப்போது எதிர்பாராத விதமாக 20 அடி உயரத்திலிருந்து கால் தவறி கீழே விழுந்தார். இதில் அவருக்கு பலத்த காயம் ஏற்பட்டது. சிகிச்சைக்காக கோவை மருத்துவமனைக்கு கூட்டி சென்றனர். வழியில் ஜோதிமணி பரிதாபமாக இறந்தார்.இது குறித்து அவரது மகன் சரவணன் போத்தனூர் போலீசில் புகார் செய்தார்.போலீசார் வழக்கு பதிவு செய்து விசாரணை நடத்தி வருகிறார்கள்.