மோட்டார் சைக்கிளில் இருந்து தவறி விழுந்து பெண் பலி

ராணிப்பேட்டை மாவட்டம் வாலாஜாவை அடுத்த அனந்தலை கிராமம் ஆண்டவர் தெருவை சேர்ந்தவர் ஏழுமலை. கட்டிட மேஸ்திரி. இவரது மனைவி வள்ளி (வயது 37). இவர் கடந்த 14-ந்்தேதி கணவர் ஏழுமலையுடன் மோட்டார் சைக்கிளில் சென்று சந்தையில் காய்கறிகள் வாங்கிக் கொண்டு மீண்டும் அனந்தலை நோக்கி வந்து கொண்டிருந்தார்.

படியம்பாக்கம் சாலையில் வந்த போது திடீரென மோட்டார் சைக்கிள் நிலை தடுமாறி கீழே விழுந்தது. இதில் வள்ளிக்கு தலையில் பலத்த காயம் ஏற்பட்டது.

உடனடியாக அவரை வாலாஜா அரசு மருத்துவமனையிலும் பின்னர் மேல் சிகிச்சைக்காக வேலூர் அடுக்கம்பாறை அரசு மருத்துவமனையிலும் சேர்க்கப்பட்டார். அங்கு சிகிச்சை பலனின்றி உயிரிழந்தார். இதுகுறித்து வாலாஜா போலீசார் வழக்குப்பதிவு செய்து விசாரணை நடத்தினர்.