150 மாற்றுத்திறனாளிகளுக்கு நலத்திட்ட உதவிகள்
உதவும் உள்ளங்கள் சார்பில் 150 மாற்றுத்திறனாளிகளுக்கு நலத்திட்ட உதவிகள் வழங்கப்பட்டது.
திருப்பத்தூர் உதவும் உள்ளங்கள் அமைப்பின் சார்பில் மாற்றுதிறனாளிகளுக்கு நலத்திட்ட உதவிகள் வழங்கும் விழா நடந்தது. விழாவுக்கு ஓய்வுபெற்ற மாவட்ட கூட்டுறவு இணைப்பதிவாளர் நீலமேகம் தலைமை தாங்கினார். உதவும் உள்ளங்கள் தலைவர் ரமேஷ் வரவேற்று பேசினார். ஓய்வு பெற்ற போலீஸ் சப்-இன்ஸ்பெக்டர் கிருபாகரன் கலந்து கொண்டு 150 மாற்றுத் திறனாளிகளுக்கு மளிகை பொருட்கள், அரிசி, பராமரிப்பு உதவித்தொகை உள்ளிட்ட நலத்திட்ட உதவிகளை வழங்கினார்.
இதில் டாக்டர் அகிலா பாலகுமாரன், ஆலங்காயம் பேரூராட்சி துணைத் தலைவர் ஸ்ரீதர், தமிழ்ச்செல்வி, ராம்பிரசாத், ராஜன் உள்ளிட்ட பலர் கலந்து கொண்டனர். முடிவில் ஓய்வுபெற்ற நல்லாசிரியர் துரைமணி நன்றி கூறினார்.