உடன்குடி மானாடு பள்ளிவாசலில் கந்தூரி விழா

உடன்குடி:

உடன்குடி அருகே மானாடு அஷ்ஷெய் முஹ்யித்தீன் பஸ்லுல்லாஹ் ஸாஹீப் வலியுல்லாஹ் கந்தூரி விழா கடந்த ஆக்.26-ந்தேதி கொடியேற்றத்துடன் தொடங்கியது. விழா நாட்களில் தினமும் காலை 11 மணிக்கு மவ்லிது, ராதிபு ஷரீபு நடைபெற்றது. நேற்று முன்தினம் கத்முல் குர்இன் ஒதப்பட்டது. தொடர்ந்து நடைபெற்ற பயான் நிகழ்ச்சிகளுக்கு உடன்குடி ஷஹீஹூல் புகாரி ஷரீபு தலைவர் ஸெய்யிது நூஹ் முஹ்யித்தீன் தலைமை தாங்கினார். ஷேக் தாவூத் கிராஆத் ஓதினார். இமாம்கள் முஹம்மது முஹ்யித்தீன், முஹம்மது யூசுப், அலி இப்ராஹிம், செய்யது சதக்கத்துல்லா, மஹ்தூம் லதீபு, இப்ராஹிம், ரஹ்மத்துல்லா, முகைதீன் முகம்மது, ஆகியோர் மார்க்க சொற்பொழிவு ஆற்றினர். ஏற்பாடுகளை கந்தூரி கமிட்டி தலைவர் செய்யது நூஹ்முஹ்யித்தீன் செயலர் முஹம்மது அஸ்லம், மன்சூர் சேக்னா மற்றும் நிர்வாகிகள் செய்திருந்தனர்,