அரசு பஸ் மோதி திருச்சி வாலிபர் பலி

அரசு பஸ் மோதல்

திருச்சி மாவட்டம் புத்தூர் பகுதியை சேர்ந்தவர் காளிதாஸ். இவரது மகன் உதயமூர்த்தி (வயது 37). இவர் திருச்சி-புதுக்கோட்டை தேசிய நெடுஞ் சாலையில் தொட்டியவயல் பாலம் அருகே மோட்டார் சைக்கிளில் சென்று கொண்டிருந்தார். அப்போது அந்த வழியாக சென்ற அரசு பஸ் உதயமூர்த்தி ஓட்டி சென்ற மோட்டார் சைக்கிள் மீது மோதியது.

இதில் படுகாயம் அடைந்த உதயமூர்த்தியை அந்த வழியாக சென்ற வாகன ஓட்டிகள் மீட்டு புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு அவரை பரிசோதனை செய்த டாக்டர்கள் உதயமூர்த்தி ஏற்கனவே இறந்துவிட்டதாக தெரிவித்தனர்.

விசாரணை

இந்த விபத்து குறித்து தகவல் அறிந்த வெள்ளனூர் போலீசார் விபத்துக்கு காரணமான புதுக்கோட்டை காமராஜபுரம் பகுதியை சேர்ந்த பஸ் டிரைவர் கணேசன் என்பவர் மீது வழக்குபதிவு செய்து விசாரணை நடத்தி வருகின்றனர்.