புகையிலை பொருட்கள் கடத்தியவர் கைது

போடி நகர் போலீசார் நேற்று காலை போடி-தேவாரம் சாலையில் அரசு பஸ் பணிமனை அருகே வாகன சோதனையில் ஈடுபட்டனர். அப்போது மோட்டார்சைக்கிளில் வந்தவரை சந்தேகத்தின்பேரில் பிடித்து விசாரணை நடத்தினர். விசாரணையில் அவர் போடி சந்தைப்பேட்டை நடுத்தெருவை சேர்ந்த சரவணன் (வயது 35) என்பதும், புகையிலை பொருட்களை கடத்தி வந்ததும் தெரியவந்தது. இதையடுத்து போலீசார் அவரை கைது செய்தனர். அவரிடம் இருந்து 1,814 புகையிலை பாக்கெட்கள் பறிமுதல் செய்யப்பட்டது.