தமிழகத்தில் மேலும் 72 பேருக்கு கொரோனா

சென்னை,

தமிழகத்தில் இன்றைய கொரோனா பாதிப்பு குறித்து மருத்துவம் மற்றும் மக்கள் நல்வாழ்வுத்துறை வெளியிட்டுள்ள செய்திக்குறிப்பில் கூறப்பட்டு இருப்பதாவது:-

தமிழகத்தில் இன்று புதிதாக 39 ஆண்கள், 33 பெண்கள் உள்பட மொத்தம் 72 பேருக்கு புதிதாக கொரோனா உறுதி செய்யப்பட்டுள்ளது. அதிகபட்சமாக சென்னையில் 13 பேர் உள்பட 22 மாவட்டங்களில் தொற்று பாதிப்பு பதிவாகியுள்ளது. தொடர்ந்து 50-வது நாளாக கொரோனா பாதிப்பு குறைவாக பதிவாகியுள்ளது.

மருத்துவமனையில் 189 பேர் அனுமதிக்கப்பட்டு சிகிச்சை பெற்று வருகின்றனர். தமிழகத்தில் கொரோனா தொற்றால் எந்த மாவட்டத்திலும் உயிரிழப்பு ஏற்படவில்லை. தற்போது கொரோனா பாதிப்புக்குள்ளாகி 674 பேர் சிகிச்சையில் உள்ளனர்.

இவ்வாறு அதில் கூறப்பட்டுள்ளது.