திருச்செந்தூர்-நெல்லை ரெயில் ரத்து

கோவில்பட்டி-கடம்பூர் இடையே இரட்டை ரெயில் பாதை இணைப்பு பணிகள் நடந்து வருகின்றன. இதனால் சென்னை-திருச்செந்தூர்-சென்னை இடையே இயக்கப்படும் செந்தூர் எக்ஸ்பிரஸ் ரெயில் திருச்சி-திருச்செந்தூர் இடையே பகுதியாக ரத்து செய்யப்பட்டு உள்ளது. இதனால் இதன் இணை ரெயில்களான திருச்செந்தூரில் இருந்து காலை 10.15 மணிக்கு புறப்படும் திருச்செந்தூர்-நெல்லை சிறப்பு ரெயில் மற்றும் நெல்லையில் இருந்து மாலை 4.05 மணிக்கு புறப்படும் நெல்லை-திருச்செந்தூர் சிறப்பு ரெயில் ஆகியவை இன்றும் (செவ்வாய்க்கிழமை), நாளையும் (புதன்கிழமை) முழுமையாக ரத்து செய்யப்படுகிறது. இந்த தகவல் தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டு உள்ளது.