விருத்தாசலத்தில்வீட்டு கதவை உடைத்து நகை, பணம் கொள்ளை

விருத்தாசலம்,

விருத்தாசலம் துர்கை நகரை சேர்ந்தவர் மணிகண்டன் (வயது 25). இவர் கடந்த 20 நாட்களுக்கு முன் வீட்டை பூட்டிவிட்டு, சொந்த ஊரான ஆலிச்சிகுடி கிராமத்திற்கு குடும்பத்தினருடன் சென்றார்.

நேற்று மாலை விருத்தாசலத்தில் உள்ள வீட்டிற்கு வந்தார். அப்போது, வீட்டின் முன்பக்க கதவு உடைக்கப்பட்டிருந்தது. உள்ளே சென்று அவர் பார்த்தபோது, வீட்டில் இருந்த பீரோவை உடைத்து அதிலிருந்த 5 பவுன் நகை மற்றும் 50 ஆயிரம் பணத்தை மர்மநபர்கள் கொள்ளையடித்துச் சென்றது தெரிய வந்தது. இதுகுறித்த புகாரின் பேரில், விருத்தாசலம் போலீசார் வழக்குப் பதிவு செய்து, விசாரணை நடத்தி வருகின்றனர்.