தேனியில் வீட்டின் கதவை உடைத்து திருட முயற்சி

தேனி என்.ஆர்.டி. நகரை சேர்ந்தவர் விக்னேஷ், இவர் சிங்கப்பூரில் வசித்து வருகிறார். இவருடைய வீட்டை சருத்துப்பட்டியை சேர்ந்த பாண்டியராஜன் என்பவர் மேலாளராக இருந்து பராமரித்து வருகிறார். வாரத்தில் 2 நாட்கள் வீட்டை அவர் நேரில் பார்த்துச் செல்வது வழக்கம். அதன்படி நேற்று பாண்டியராஜன் அந்த வீட்டுக்கு வந்தார்.

அப்போது வீட்டின் பின்பக்க கதவு உடைக்கப்பட்டு இருந்தது. வீட்டில் இருந்த துணிகள் களைக்கப்பட்டு இருந்தது. யாரோ மர்ம நபர்கள் கதவை உடைத்து உள்ளே புகுந்து திருட முயற்சி செய்துள்ளனர். இதுகுறித்து அவர் தேனி போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.