அரிசி ஆலையில் மோட்டார் திருடியவர் சிக்கினார்

மத்தூர்:

மத்தூர் அருகே உள்ள கவுண்டனூரை சேர்ந்தவர் வேடியப்பன் (வயது 49). இவர் பள்ளத்து கொட்டாய் பகுதியில் அரிசி ஆலை நடத்தி வருகிறார். கடந்த 11-ந் தேதி அந்த ஆலையில் இருந்த 10 எச்.பி. திறன் கொண்ட 2 மோட்டார்களும், 5 எச்.பி. திறன் கொண்ட 2 மோட்டார்கைளும் திருட்டு போனது. இதுகுறித்து வேடியப்பன் மத்தூர் போலீசில் புகார் கொடுத்தார். அதன்பேரில் போலீசார் விசாரணை நடத்தி மோட்டார்களை திருடியது அதே ஊரை சேர்ந்த சுந்தரவேல் (21) என தெரியவந்தது. அவரை போலீசார் கைது செய்தனர். மேலும் ஒருவரை தேடி வருகின்றனர்.