பெண்ணை தாக்கியவர் கைது

நெல்லை டவுன் பழனி தெருவை சேர்ந்தவர் தங்கராஜ். இவருடைய மனைவி அழகம்மாள் (வயது 32). இவருக்கும், அதே பகுதியை சேர்ந்த ஆவுடையப்பன் மனைவி செல்வி (35) என்பவருக்கும் வீட்டின் முன்பு கழிவு நீர் விடுவது தொடர்பாக முன் விரோதம் இருந்ததாம். இந்த நிலையில் சம்பவத்தன்று அவர்களுக்குள் மீண்டும் தகராறு ஏற்பட்டது. இதில் ஆத்திரம் அடைந்த செல்வி, அழகம்மாளை கையால் தாக்கி கொலை மிரட்டல் விடுத்தாராம். இதுகுறித்த புகாரின் பேரில் நெல்லை டவுன் போலீசார் வழக்குப்பதிவு செய்து செல்வியை கைது செய்தனர்.