மோட்டார் சைக்கிளில் இருந்த தங்க சங்கிலி திருட்டு

கரூர் காந்திகிராமம் பாரதியார் தெருவை சேர்ந்தவர் தினேஷ்குமார் (வயது 35). இவர் கரூரில் உள்ள தனியார் வங்கியில் இன்சூரன்ஸ் பிரிவில் விற்பனை மேலாளராக பணியாற்றி வருகிறார். இவர் தனது மோட்டார் சைக்கிளின் முன்பக்க கவரில் 2 பவுன் தங்க சங்கிலி, செல்போன் போன்றவற்றை வைத்து விட்டு வீட்டிற்குள் சென்றார். பின்னர் வந்து பார்த்தபோது, தங்கசங்கிலி, செல்போன் ஆகியவற்றை மர்மநபர்கள் திருடி சென்றது தெரியவந்தது. இதுகுறித்து தினேஷ்குமார் கொடுத்த புகாரின்பேரில், பசுபதிபாளையம் போலீசார் வழக்குப்பதிந்து, மர்மநபர்களை தேடி வருகின்றனர்.