அரசு ஊழியரை பணிசெய்ய விடாமல் தடுத்தவர் கைது

நெல்லை ரெட்டியார்பட்டி லட்சுமி நகரை சேர்ந்தவர் வெள்ளத்துரை (வயது 37). இவர் கடந்த 26-ந் தேதி மேலப்பாளையம் பகுதியில் மோட்டார் சைக்கிளில் வேகமாக சென்றாா். அதனை மேலப்பாளையம் கிராம நிர்வாக அலுவலர் முத்துக்குமார் கண்டித்துள்ளார். இதனால் ஏற்பட்ட முன்விரோதம் காரணமாக நேற்று முன்தினம் மேலப்பாளையம் கிராம நிர்வாக அலுவலர் அலுவலகத்திற்கு சென்ற வெள்ளத்துரை அங்கு இருந்த கிராம நிர்வாக அலுவலர் முத்துக்குமாரை பணிசெய்ய விடாமல் தடுத்து அவருடன் தகராறில் ஈடுபட்டதாக கூறப்படுகிறது.

இதுகுறித்த புகாரின் பேரில் மேலப்பாளையம் போலீசார் வழக்குப்பதிவு செய்து வெள்ளத்துரையை கைது செய்தனர்.