மாணவிக்கு தொல்லை கொடுத்தவர் போக்சோவில் கைது

ஆம்பூர்

மாணவிக்கு தொல்லை கொடுத்தவரை போலீசார் கைது செய்தனர்.

ஆம்பூரை சேர்ந்தவர் தமீம் (வயது 21). இவர் தனியார் ஷூ நிறுவனத்தில் ஊழியராக பணியாற்றி வருகிறார். இவர் ஆம்பூரில் உள்ள பள்ளியில் பிளஸ்-2 படித்து வரும் ஒரு மாணவியை அடிக்கடி பின் தொடர்ந்து சென்று தொல்லை கொடுத்து வந்தார்.

நேற்று முன்தினமும் மாணவிக்கு அவர் தொல்லை கொடுத்துள்ளார். இதனால் மனவேதனை அடைந்த மாணவி தனது பெற்றோரிடம் கூறி அழுதுள்ளார். இது குறித்து நேற்று முன்தினம் ஆம்பூர் டவுன் போலீசில் மாணவி புகார் கொடுத்தார். அதன் பேரில் போலீசார் வழக்குப்பதிவு செய்து தொல்லை கொடுத்த தமீமை போக்சோ சட்டத்தின் கீழ் கைது செய்து விசாரணை நடத்தி வருகின்றனர்.