ரெயிலில் இருந்து தவறி விழுந்தவர் பலி

ஜோலார்பேட்டை

மேற்கு வங்காள மாநிலம் டார்ஜிலிங் சுகியாபோகாரி பகுதியை சேர்ந்தவர் அமர்தியோ சேத்ரி (வயது 40).

இவர் நேற்று முன்தினம் மேற்குவங்காளத்தில் இருந்து கர்நாடக மாநிலம் பெங்களூர் பகுதியில் உள்ள தனியார் நிறுவனத்திற்கு செல்ல எதோ ஒரு ரெயிலில் பயணம் செய்துள்ளார்.

இன்று காட்பாடி- லத்தேரி ரெயில் நிலையங்களுக்கு இடையே ரெயில் சென்றபோது படிக்கட்டில் பயணம் செய்த அவர் தவறி விழந்து ரெயிலில் அடிப்பட்டு சம்பவ இடத்திலேயே பரிதாபமாக உயிரிழந்தார்.

இது குறித்து தகவல் அறிந்ததும் ஜோலார்பேட்டை ரெயில்வே போலீஸ் சப்- இன்ஸ்பெக்டர் உஷாராணி மற்றும் போலீசார் சம்பவ இடத்திற்கு விரைந்து சென்று பிணத்தை கைப்பற்றி பிரேத பரிசோதனைக்காக வேலூர் அரசு மருத்துவமனைக்கு அனுப்பி வைத்தனர்.

மேலும் இது குறித்து ஜோலார்பேட்டை ரெயில்வே போலீசார் வழக்குப்பதிவு செய்து விசாரணை நடத்தி வருகின்றனர்.